My Trade Union

پینشن میں اضافہ کرو۔ بزرگ پینشنرز بھی سڑکوں پر آگٸے
URDU

پینشن میں اضافہ کرو۔ بزرگ پینشنرز بھی سڑکوں پر آگٸے

Nov 22, 2023

لاہور( ٹریڈ یونین) پینشن میں اضافے کے لیے بلاخر بزرگ پینشنرز بھی سڑکوں پر آگٸے۔
ٹریڈ یونین ایکشن کمیٹی پنجاب کی جانب سے بزرگ پینشنرز کی احتجاجی تحریک کا آغاز ہوگیا۔ احتجاج کی قیادت متحدہ لیبر فیڈریشن کے مرکزی رہنما محمد اکبر کررہے تھے۔ دیگر رہنماوں میں حاجی مقصود الرحمان،نیاز خان،ارشد میٸو،بابا لطیف اور متعدد رہنما بھی موجود تھے ،ایپو کی جانب سے چیٸرمین اظفر شمیم کی ہدایت پر ای او بی آٸی کے رہنما ملک دولت علی ،قاضی تحسین احمد اور فرید الدین بھٹی نے ایپوا کی نماٸندگی کی ۔ مظاہرین پر امن طور پر ڈاٸریکٹر جنرل EOBI لاہور کے دفتر کے باہر جمع ہوٸے جہاں مظاہرین نے اپنی پینشن میں اضافے کے لیے فلک شگاف نعرے بازی کی ۔مظاہرین سے خطاب کرتے ہوٸے مزدور رہنما محمد اکبر نے خطاب کرتے ہوٸے کہ مہنگاٸی کے اس پر آشوب دور میں 10 ہزار روپے پینشن اونٹ کے منہ میں زیرے کے مترادف ہے۔ پینشن کو فوری طور پر کم از کم تنخواہ 32 ہزار روپے کے مساوی کیا جاٸے۔ انھوں نے مطالبہ کیا کہ EOBI ایکٹ 1976 پر عمل درآمد کو یقینی بنایا جاٸے اور 60 سال حد عمر کی تکمیل کے بعد کی بڑھاپا پینشن سے خلاف قانون کٹوتیاں بند کی جاٸیں ۔پینشنر اور اسکی اھلیہ کے انتقال کے بعد پینشن غیر شادی شدہ بیٹی کو ادا کی جاٸے۔ اس موقع پر ای او بی آٸی پینشنرز ویلفیٸر ایسوسی ایشن (ایپوا) پاکستان کی نماٸندگی کرتے ہوٸے قاضی تحسین احمد نےخطاب کرتے ہوٸے کہا کہ پینشن دے کر حکومت ہم پر کوٸی احسان نہیں کررہی ہے ۔ای او بی آٸی کا فنڈ ہمارا ہے جو ہمارے ریٹاٸرڈ ملازمین نے اپنی ملازمت کے دوران کنٹریبیوشن کے طور پر جمع کرایا ہے لیکن ہمارے فنڈ پر ڈاکہ ڈالا جارہا ہے ۔ہمیں صرف 10 ہزار روپے پینشن کے طور پر دیٸے جارہے ہیں جبکہ ہمارے فنڈ پر لاکھوں کروڑوں روپے ان کو دیٸے جارہے ہیں جن کا اس فنڈ پر کوٸی حق نہیں انھوں نے کہا کہ 1995 سے حکومت نے ای او بی آٸی فنڈ کو دی جانے والی میچنگ گرانٹ بند کررکھی ہے آج 28 سال گذرنے کے باوجود اسے بحال نہیں کیا گیا ہم مطالبہ کرتے ہیں کہ ہماری پینشن کو کم از کم تنخواہ کے مساوی کیا جاٸے۔
کامیاب مظاہرے پر ایپوا کے چیٸرمین اظفر شمیم ،صدر قاضی عبدالجبار ،سینٸیر ناٸب صدر متین خان ،ناٸب صدر شمس الضحٰی زبیری، جنرل سیکریٹری علمدار رضا اور کور کمیٹی کے رکن ظفر پاشا نے سینٸر مزدور رہنما محمد اکبر اور دیگر رہنماوں کا شکریہ ادا کرتے ہوٸے کہا کہ بزرگ پینشنرز کے لیے احتجاج ایک بھر پور تحریک کا آغاز ہے ایپوا کے تمام دوست اس تحریک کا حصہ ہیں اور ہم اپنے حقوق کے لیے اپنی کوششیں جاری رکھیں گے۔

Leave a Reply

Your email address will not be published. Required fields are marked *